واحد سألني.. عايز تموت إزاي ؟
عاوز تموت شهيد
ياتركب طياره - ياتركب عباره
عاوز تموت م الجوع
.ياتشترى شقه - ياتشترى عربيه بالقسط
عاوز تموت م الحسره
ياتتفرج ع الفاترينات فى ستى ستارز - ياتروح زياره لمارينا
عاوز تموت م الغيظ
ياتتفرج ع القنوات المحليه - ياتتفرج ع النشره الجويه
عاوز تموت م الزهق
ياتستنى الأشاره لما تفتح - ياتستنى دورك فى الطابور فى التأمين الصحى
عاوز تموت م الهبل
يا تخش ع النت - ياتسمع نجوم الأف أم
عاوز تموت مخنوق
ياتروح مصلحه حكوميه - ياتقرا الجريده اليوميه
عاوز تموت مفروووس
ياتركب تاكسى - ياتركب دش
عاوز تموت مرعوووووب
ياتستنى نتيجه الثانويه العامه - ياتستنى نتيجه التحاليل عند الدكتور
عاوز تموت مشهور
ياتتجوز رقاصه - ياتنصب على بنك
عاوز تموت مليونير
ياتعمل فيديو كليب - ياتلعب كوره
عاوز تموت ورا الشمس
ياتشغل مخك - ياتفتح بؤك
عاوز تموت منكاد
ياترشح نفسك فى الأنتخابات - ياتخش ف أتفاقيه الجات
عاوز تموت م الحزن
ياتفكر دايما ف أحوالك - ياتحط الحكومه ف بالك
عاوز تموت م الضحك
ياتتجوز أتنين - ياتشتغل مع المجانين
عاوز تموت ف حالك
أعمل نفسك دايما .... مش واخد بالك
ياتفكر دايما ف أحوالك - ياتحط الحكومه ف بالك
عاوز تموت م الضحك
ياتتجوز أتنين - ياتشتغل مع المجانين
عاوز تموت ف حالك
أعمل نفسك دايما .... مش واخد بالك
لا حول و لا قوة إلا بالله ..
ردحذفهم يبكي .. بس ده فعلا حالنا و يا رب يتعدل .. حد كان قايلي الناس كلها بتفول حالنا هيتصلح بعد20 سنة و بعد ال20 سنة نقول كمان 20 غيره .. و لا حول و لا قوة إلا بالله ..
موضوع حلو .. بحيي حضرتك عليه ..
ملحوظة كنت سألت حضرتك على حاجه في ردي على الموضوع اللي قبله و لم أتلق اى رد
ههههههههههههه
ردحذفانا عن نفسى هعمل نفسى مش واخده بالى
فينك من زمان؟
أزال المؤلف هذا التعليق.
ردحذفعاوز تموت ف حالكأعمل نفسك دايما .... مش واخد بالك
ردحذفههههههههههههههههههه الشعب المصرى كله هيموت مش واخد باله حلو البوست اوووووووى
د- آيه ... و// ريمان...// sweetangel // مى ..
ردحذف-------- ---------- ----------- ------
انا اسف جدا انى مش برد على تعليقاتكم لكن اوعدكم اول ما اخف واروق وابقى كويس هارد على القديم والجديد
(((( د - آيه ....... Tuck everlasting ))
ده اسم الفلم ..
سلامى ليكم كلكم ومتشكر على زيارتكم ليه رغم انى مقصر جدا فى حقكم
سلام
FATHI
ههههههههههههههههههههه
ردحذفتعددت الاسباب والموت واحد
كل الطرق تؤدي الى الموت
وان جينا للحق احنا هنموت بكل الطرق دي لاننا بنعملها كلها
البوست روعة
تحياتي
السلام عليكم
ردحذفكل سنة وانت طيب
تحياتى
اعمل نفسك دايما مش واخد بالك.....جبت من الاّخر و الله
ردحذفبوست أكتر من رائع
السلام عليكم
ردحذفبصراحه البوست جميل جدا وبصراحه اكتر الواحد مش عارف هيموت ازاى ؟ بس انا شخصيا ممكن اموت بكل الاحوال اللى انت طرحتها فى البوست وربنا يستر
تحياتى
انا اســـــــــــــــــف جدا على عدم الرد على تعليقاتكم لكن ظروف خاجة عن ارادتى ومتشكر جدا على تعليقاتكم
ردحذف